खेलाडीको परिभाषामा मन्त्री र सांसदको मत बाझियो
काठमाडौं, मंसिर ३० ।
राष्ट्रिय र अन्तर्राष्ट्रिय खेलाडीको परिभाषा के राख्ने भन्नेमा सांसदहरु विभाजित हुँदा ‘खेलकुद विकाससम्बन्धी कानुनलाई संशोधन र एकीकरण गर्न बनेको विधेयक’माथिको छलफल स्थगित भएको छ । संसदको शिक्षा तथा स्वास्थ्य समितिमा अब यो विधेयकमाथिको छलफल पुस ४ गतेमात्र हुनेछ ।
सरकारले सुरुमा ल्याएको विधेयकमा राष्ट्रिय र अन्तर्राष्ट्रिय खेलाडीको परिभाषा उल्लेख थिएन । तर, राष्ट्रिय सभाले राष्ट्रिय स्तरको खेलमा पदक जित्नेलाई राष्ट्रिय स्तरको र अन्तर्रा्ष्ट्रिय स्तरको खेलमा पदक जित्नेलाई अन्तर्रा्ष्ट्रिय स्तरको खेलाडी भनिने भनेर परिभाषा गरी प्रतिनिधिसभामा पठाएको छ ।
राष्ट्रिय सभाले थप गरेको परिभाषा खण्डलाई थप प्रष्ट पार्नुपर्ने भन्दै सांसदहरु जीवनराम श्रेष्ठ, दिव्यमणि राजभण्डारी, सरिता गिरीलगायतले संशोधन दर्ता गराएका छन् ।
राष्ट्रिय स्तरको खेलमा सहभागी भएपछि राष्ट्रिय स्तरको र अन्तर्राष्ट्रिय स्तरको खेलमा सहभागी भएपछि स्वतः अन्तर्राष्ट्रिय स्तरको खेलाडी हुने भनेर परिभाषित गर्नुपर्छ’ सोमबार शिक्षा स्वास्थ्य समितिको बैठकमा सांसद जीवनराम श्रेष्ठ भन्छन् ।
श्रेष्ठ नेपाल ओलम्पिक कमिटिका अध्यक्ष पनि हुन् ।
सहभागिताकै आधारमा स्तर नाप्न सकिदैन : मन्त्री विश्वकर्मा
युवा तथा खेलकुदमन्त्री जगतबहादुर सुनार (विश्वकर्मा)ले भने कुनै पनि खेलमा सहभागी भएकै आधारमा खेलाडीको स्तर मापन गर्न नसकिने बताए ।
‘हामीले भर्खरै साग सकेका छौं । ब्यवस्थापनलगायतका कार्यमा समेत गरी सागमा करिब ६ सय नेपाली खेलाडी सहभागी भएका थिए । उनीहरु सबैलाई अन्तर्राष्ट्रिय खेलाडी घोषणा गर्नु कति उपयुक्त ?’ उनले प्रश्न गरे ।
खेलमा सहभागिता जनाएकै आधारमा खेलाडीको स्तर मापन गर्नु दुर्घटनामा परी मृत्यु भएकालाई शहीद घोषणा गर्नुजस्तै हुने मन्त्री विश्वकर्माले बताए । ‘त्यसकारण पदक प्राप्त गर्ने खेलाडीलाई मात्रै राष्टिय वा अन्तर्राष्ट्रिय स्तरको भनौं’ मन्त्री विश्वकर्माको प्रस्ताव थियो ।
मन्त्रीको प्रस्तावमा समिति सदस्य सरिता न्यौपानेलगायतले समर्थन जनाएका थिए ।
तर, जीवनराम श्रेष्ठलगायत केही सांसदले मन्त्री विश्वकर्माको तर्क अनुसार जान नसकिने बताएपछि समितिको बैठक स्थगित भएको छ ।
‘बरु पदक पाउनेलाई मात्रै सुविधाको ब्यवस्था गरौं । तर, जुन स्तरको खेलमा सहभागी भएको हो सोही स्तरको मान्यता पाउनुपर्ने कतिपय सांसदहरुको माग छ ।
(अनलाइनखबरबाट साभार)
सम्बन्धित शीर्षकहरु
नेपालले आज युएईको सामना गर्दै ६ कार्तिक २०८०, सोमबार ०३:५७
नेपालले युएईको सामना गर्दै १ कार्तिक २०८०, बुधबार ०२:३४
टी–२० मा कुशल मल्लको विश्व कीर्तिमान, ३४ बलमै शतक १० आश्विन २०८०, बुधबार ०२:३६
भारतविरुद्ध छक्का हान्ने र विकेट लिने खेलाडीलाई १ लाख दिने घोषणा १८ भाद्र २०८०, सोमबार ०३:२१
आइसिसी विश्वकप छनोट चरणबाटै बाहिरियो नेपाल ९ असार २०८०, शनिबार १३:४५
ड्रागन बोट रेस फेस्टिभल सकियो, सिचुवान पहिलो ९ असार २०८०, शनिबार १३:४०
प्रमुख समाचार
सबैपोखरामा १८ वर्षपछि राखियो राजा वीरेन्द्रको सालिक
पोखरा, पुस १० । पोखरा महानगरपालिका १० विरेन्द्रचोकमा स्वः राजा वीरेन्द्र शाहको सालिक पुनः स्थापना गरिएको छ । सालिक पुनः स्थापना समितिले आइतबार राति २ बजे राजा वीरेन्द्रको सालिक राखिएको हो । करिब २५ लाख.....
पोखरामा कारको ठक्करले २ जनाको मृत्यु
पोखरा, पुस १० । पोखरामा कारको ठक्करबाट २ जना पैदलयात्रीको मृत्यु भएको छ । पोखरा ५ पस्र्याङमा बा १३ च ३७२१ नम्बरको.....
कास्कीको मादीमा ल्होसारको भोलिपल्ट पनि विदा
पोखरा, पुस ६ । पर्यटन प्रवद्र्धन गर्न तमु ल्होसारको भोलिपल्ट कास्कीको मादी गाउँपालिकाले सार्वजनिक विदा दिएको छ.....
ठगी मुद्धामा पोखराका वडा सदस्य सहित ४ जना जेल चलान
पोखरा, पुस ६ । ठगी अभियोगमा पक्राउ परेका वडा सदस्यसहित ४ जना पुर्पक्षका लागि कारागार चलान भएका छन् । फोटोग्राफी.....
पोखरा आउने पर्यटकलाई हनी ट्र्यापमा पारेर लुटपाट
पोखरा, पुस ६ । पोखरा घुम्न आउने आन्तरिक एवं बाह्य पर्यटकलाई विभिन्न प्रलोभनमा हनी ट्रयापमा पारी लुटपाटमा.....