शिखधर्मको चिह्नअंकित सिक्का सार्वजनिक

काठमाडौं, असोज ११ ।

नेपाल राष्ट्र बैंकले शिखधर्मका संस्थापक गुरु नानकको नामसहितको शिखधर्मको चिह्नअंकित सिक्का सार्वजनिक गरेको छ ।

शुक्रबार काठमाडौंमा भएको कार्यक्रममा गभर्नर डा. चिरञ्जीवी नेपालले २५ सय र एक हजार रुपैयाँका चाँदीका सिक्का सार्वजनिक गरेका हुन् ।

५५०औं गुरु नानक जन्मजयन्तीका अवसरमा सिक्का निकालिएको हो ।

सो अवसरमा भारतीय राजदूत मन्जिभसिंह पुरीले ‘शिख हेरिटेज अफ नेपाल’ नामक पुस्तक विमोचन गर्नुका साथै सो विषयमा प्रस्तुतिकरण पनि गरेका थिए ।

राजदूत पुरीले नेपाल र भारतका शिख समुदायबीच सदियौंदेखि गहिरो सम्बन्ध रहेको भन्दै गुरु नानकको तस्वीरअंतिक सिक्काको अन्तर्रा्ष्ट्रियरुपमै माग देखिएको बताए ।

कार्यक्रममा भारतबाट आएका शिख धार्मिक गुरुहरुले नेपाल पावन भूमि रहेको भन्दै दुई देशबीचको सम्बन्ध झन् मजबुत् पार्नुपर्ने बताए । (ईमेजखबरबाट साभार)