गण्डकी प्रदेशका सहकारी संघहरुको भेला सम्पन्न, प्रदेश संघहरु बनाउन कार्यदल गठन, संयोजकमा जि.सी.
पोखरा, कार्तिक २६ ।
सहकारी ऐन २०७४ अनुसार प्रदेश स्तरमा सहकारीको संघ तथा विषयगत संघहरु गठनका लागि गण्डकी प्रदेशका सहकारी संघहरुको भेला मंगलवार पोखरामा सम्पन्न भएको छ ।
भेलाले गण्डकी प्रदेश सहकारी संघ लिमिटेड तथा प्रदेश स्तरीय विषयगत सहकारी संघहरु गठनका लागि राष्ट्रिय सहकारी बैंकका सञ्चालक रामबहादुर जिसीको संयोजकत्वमा कार्यदल गठन गरेको छ ।
उक्त कार्यदलका सदस्यहरुमा केन्द्रीय दुग्ध उत्पादक सहकारी संघका लेखा संयोजक युवराज पराजुली, नेफ्स्कुनका सञ्चालक भीमबहादुर गुरुङ र चण्डीप्रसाद शर्मा, जिल्ला सहकारी संघ कास्कीका अध्यक्ष रविरमण तिवारी, जिल्ला सहकारी संघ स्याङ्जाका अध्यक्ष लक्ष्मीपति पौडेल र जिल्ला सहकारी संघ नवलपुरका केशवप्रसाद सापकोटा रहेका छन् ।
भेलाले प्रदेश स्तरमा गठन हुने सबै खाले सहकारी संघहरु गठनका लागि विनियम निर्माण लगायत आवश्यक प्रक्रिया सम्पन्न गरी संघ दर्ताका लागि कार्यदल गठन गरेको जनाइएको छ ।
भेलामा बोल्दै राष्ट्रिय सहकारी महासंघका वरिष्ठ उपाध्यक्ष मिनराज कंडेलले सहकारी अभियानलाई प्रभावकारी बनाउन तथा राज्य र अन्य निकायसंग समन्वय गरेर अगाडि बढ्न तथा प्रदेश सहकारी संघ र विषयगत सहकारीको प्रवद्र्धन र विकासका लागि प्रदेश सहकारी संघ गठन गर्ने व्यवस्था ऐनमा रहेकोले सबै प्रदेशमा संघहरु गठनको प्रक्रिया अगाडि बढेको बताए ।
कार्यक्रममा महासंघका लेखा संयोजक धर्मदत्त देवकोटा, महासंघका सदस्य तथा गण्डकी प्रदेश सभाका सदस्य प्रभा कोइराला, राष्ट्रिय सहकारी बैंकका अध्यक्ष के.बी. उप्रेती, राष्ट्रिय सहकारी महासंघका सञ्चालक तथा नेफ्स्कुनका महासचिव चन्द्र ढकाल लगायतले प्रदेशका सबै संघहरुलाई क्रियाशिल गराई सहकारीमार्फत समाज रुपान्तरणका लागि प्रदेश सहकारी संघ क्रियाशिल हुनु पर्नेमा जोड दिए ।
सहकारी बैंकका सञ्चालक रामबहादुर जिसीको अध्यक्षतामा भएको भेलामा गण्डकी प्रदेश अन्तरगत गठन भएका जिल्ला सहकारी संघहरु र विषयगत संघहरुका अध्यक्ष तथा प्रतिनिधिसहित ८० जनाको सहभागिता रहेको थियो ।
सहकारी ऐनको प्रावधान अनुसार प्रदेश स्तरमा गठन भएका सबै जिल्ला सहकारी संघ तथा विषयगत सहकारी संघको ५० प्रतिशत सहभागितामा प्रदेश सहकारी संघ र विषयगत सहकारी संघहरु गठन गर्न सकिने प्रावधान रहेको छ ।
प्रदेशका ११ जिल्लामा रहेका सबै संघहरुको सहभागितामा छिटै प्रदेश सहकारी संघ लगायत विषयगत सहकारी संघहरु गठनका लागि प्रदेश रजिष्ट्रार कार्यालयमा आवेदन पेश गरिने कार्यदलका संयोजक रामबहादुर जि.सी.ले जानकारी दिए ।
सम्बन्धित शीर्षकहरु
अवैध रुपमा नदीजन्य पदार्थ चोरी गर्ने ५ टिप्पर प्रहरी नियन्त्रण ६ पुष २०८०, शुक्रबार ०१:०५
मध्येपहाडीको कास्की खण्डको विवाद मिलाउन समिति गठन २७ कार्तिक २०८०, सोमबार १५:१३
सांसद विकास कोषको सवा ८ अर्व भुकम्प पीडितको घर बनाउन प्रयोग गर्ने सरकारको निर्णय २७ कार्तिक २०८०, सोमबार ०८:१७
न्यूयोर्क टाइम्सले लेख्योः पोखरा अन्तर्राष्ट्रिय विमास्थलमा चीनको जित, नेपाललाई ऋणको भार ३० आश्विन २०८०, मंगलवार १२:२१
तालचोकदेखि वेगनासताल सडक चार लेनको बन्दै २६ आश्विन २०८०, शुक्रबार १२:०६
मुस्ताङको पर्यटन प्रवर्द्धन गर्न जोमसोममा महोत्सव हुने ६ आश्विन २०८०, शनिबार १५:३३
प्रमुख समाचार
सबैपोखरामा १८ वर्षपछि राखियो राजा वीरेन्द्रको सालिक
पोखरा, पुस १० । पोखरा महानगरपालिका १० विरेन्द्रचोकमा स्वः राजा वीरेन्द्र शाहको सालिक पुनः स्थापना गरिएको छ । सालिक पुनः स्थापना समितिले आइतबार राति २ बजे राजा वीरेन्द्रको सालिक राखिएको हो । करिब २५ लाख.....
पोखरामा कारको ठक्करले २ जनाको मृत्यु
पोखरा, पुस १० । पोखरामा कारको ठक्करबाट २ जना पैदलयात्रीको मृत्यु भएको छ । पोखरा ५ पस्र्याङमा बा १३ च ३७२१ नम्बरको.....
कास्कीको मादीमा ल्होसारको भोलिपल्ट पनि विदा
पोखरा, पुस ६ । पर्यटन प्रवद्र्धन गर्न तमु ल्होसारको भोलिपल्ट कास्कीको मादी गाउँपालिकाले सार्वजनिक विदा दिएको छ.....
ठगी मुद्धामा पोखराका वडा सदस्य सहित ४ जना जेल चलान
पोखरा, पुस ६ । ठगी अभियोगमा पक्राउ परेका वडा सदस्यसहित ४ जना पुर्पक्षका लागि कारागार चलान भएका छन् । फोटोग्राफी.....
पोखरा आउने पर्यटकलाई हनी ट्र्यापमा पारेर लुटपाट
पोखरा, पुस ६ । पोखरा घुम्न आउने आन्तरिक एवं बाह्य पर्यटकलाई विभिन्न प्रलोभनमा हनी ट्रयापमा पारी लुटपाटमा.....