संवैधानिक आयोगलाई सरकारले आफैं चलाउन खोजेको छ : कांग्रेस सचेतक खाँण

काठमाडौं, माघ २४ ।

आज बिहान बसेको नेपाली कांग्रेस संसदीय दलको बैठकले पनि प्रतिनिधिसभाको बैंठक अवरुद्ध गर्ने निर्णय गरेको थियो ।

बैठकपछि कांग्रेस संसदीय दलका प्रमुख सचेतक बालकृष्ण खाँणले संवैधानिक आयोगलाई सरकार आफैंले चलाउन खोजेको र पक्षपातपूर्ण निर्णय गरेकाले आजको बैठक पनि अवरुद्ध गर्ने बताए ।

बैंठकले राजनीतिक पूर्वाग्रहका आधारमा गच्छदारमाथि मुद्धा दायर गरेको भन्दै आपत्तिसमेत जनाएको छ ।

तत्काललिन प्रधानमन्त्री माधवकुमार नेपाल र जग्गा प्रकरणमा मुछिएका नेकपाका महासचिव बिष्णु पौडेलका छोरा नविन पौडेलमाथि पनि छानविन गर्न बैंठकले माग गरेको छ ।

बैठकले अख्तियार दुरुपयोग अनुसंधान आयोगको नियत माथि प्रश्न चिन्ह खडा गरेको भन्दै नेपाली कांग्रेसले सदन र सडकबाट प्रतिवाद गर्ने निर्णय गरेको छ ।

सरकारको निर्देशनमा अख्तियार दुरुपयोग अनुसन्धान आयोग चलेको आरोप पनि नेपाली कँंग्रेसले लगाएको छ ।
(ईमेजखबरबाट साभार)