वडाध्यक्ष बास्तोलाको जन्मदिनमा जेष्ठ नागरिकलाई सहयोग

पोखरा, भदौ २० ।
पोखरारपोखरा महानगरपालिका वडा नं. ४ का वडा अध्यक्ष शंकर बास्तोलाले आफ्नो जन्मदिन वुढानिलकण्ठ जेष्ठ नागरिक मिलन केन्द्रका जेष्ठ नागरिकसँग विताएका छन् । उनले जन्मदिनको अवसरमा मिलन केन्द्रमा रहेका जेष्ठ नागरिकहरुलाई खाजा समेत खुवाएका थिए ।

जेष्ठ नागरिकहरुलाई सम्मानपुर्वक समाजमा रहने वातावरण सिर्जना गर्नका लागि बिभिन्न किसिमका काम गर्दै आएका बास्तोलाले आगामी दिनमा पनि जेष्ठ नागरिकको सम्मानका लागि काम गरिरहने प्रतिवद्धता जनाएका थिए ।

उनले अघिल्लो वर्ष महानगरपालिकामा वैठक बसेवापत आएको भत्ता बिन्ध्यावासिनी जेष्ठ नागरिक मिलन केन्द्रलाई प्रदान गरेका थिए भने वडा नं. ४ ले प्रत्येक वर्ष जेष्ठ नागरिकलाई सम्मान गर्दै आएको छ । चुनावी घोषणा अनुसार नै आफुले सेवा गर्दै आएको उनको भनाई छ ।