१५ वर्षीया बालिका एक महिनादेखि बेपत्ता

इलाम, जेठ २ ।
इलाममा एक बालिका एक महिनादेखि बेपत्ता भएकी छन् । देउमाई नगरपालिका–५ धुसेनीकी १५ वर्षीया बालिका सुजता फियाक गत वैशाख ६ गतेदेखि बेपत्ता भएकी छन् । बालिका बेपत्ता भएपछि परिवारले खोजी गरिरहेको छ भने खोजीका लागि प्रहरीलाई समेत अनुरोध गरेको छ ।

उक्त दिन दिउँसो स्थानीय हाटबजार मङ्गलबारेमा साथीलाई भेट्न घरबाट हिँडेकी उनी नफर्केपछि दाजु (काकाका छोरा) विक्रम फियाकले छरछिमेक तथा आफन्तलाई गुहार्नुका साथै प्रहरीसँग समन्वय गरेर खोजी गरिरहेको बताए । जिल्ला प्रहरी कार्यालयले पनि बालिकाको खोजी गरिए पनि हालसम्म फेला नपरेको बताएको छ । रासस