पोखराको बिजयपुरमा दुईवटा बस ठोकियो, सात जना घाईते

पोखरा, जेठ १५ ।
पोखराको बिजयपुरमा मिनिबस र बस ठोकिँदा ७ जना घाईते भएका छन् । ग १ ज ३९९१ नम्बरको माईक्रोले अगाडीको मोटरसाईकललाई जोगाउन अचानक ब्रेक लगाउँदा पछाडी गुडिरहेका मिनिबस र बस ठोकिएका हुन् । ६ ख ३५४० नम्बरको मिनिबस र त्यसको पछाडी ना ५ ख २१८० नम्बरको बस ठोकिएको हो ।

दुर्घटनामा रुपा गाउँपालिका ५ बस्ने १७ वर्षिय निकिता गुरुङ, पोखरा महानगरपालिका ३२ बस्ने ३० वर्षिय देवी भुजेल, अन्नपुर्ण गाउँपालिका ३ बस्ने ४० वर्षिय सञ्जु गिरी, पोखरा महानगरपालिका १२ बस्ने ७५ वर्षिय मैया थापा, माछापुच्छ्रे गाउँपालिका ३ बस्ने ५० वर्षिय मन कुमारी राना, २५ वर्षिय मिना शाही र २७ वर्षिय रिना शाही घाईते भई उपचारको लागि पश्चिम क्षेत्रीय अस्पताल पोखरा पठाईएको प्रहरीले जनाएको छ ।