स्याङजा आउने बस दुर्घटना–५ को मृत्यु, १७ घाईते

पोखरा, साउन ११ ।
काठमाण्डौवाट स्याङ्जाको वालिङको लागि छुटेकोे वस त्रिशुली नदीमा खस्दा ५ जनाको घटनास्थलमै मृत्यु भएको छ भने १७ जना घाईते भएका छन् । मृत्यु हुनेमा तीन जना पुरुष र दुई महिला रहेका छन् ।

मृतकको संख्या अझै वढ्न सक्ने आकलन गरिएको छ । पृथ्वीराजमार्ग वस संचालक समिति अन्र्तगत संचालित ना ६ ख २५०६ नम्बरको उक्त वसका घाइते मध्ये आधाभन्दा वढीको अवस्था गम्भिर रहेको ईलाका प्रहरी कार्यालय मुग्लिनका प्रहरी निरिक्षक धर्म केसीले जानकारी दिए । मृतकहरुको सनाखत भई सकको छैन ।

शुक्रबार दिउँसो चितवनको इच्छाकामना गाउँपालिका, तुम्लिङटारस्थित सडकखण्डमा करिब १ सय मिटर तल बस खसेको हो । वसमा कति यात्रु थिए भन्ने अझै यकिन हुन सकेको छैन । घाईते सवैको भरतपुरका विभिन्न अस्पतालहरुमा उपचारको लागि लगिएको प्रहरीले जनाएको छ।