लमजुङमा जीप पल्टिँदा एकजनाको मृत्यु

लमजुङ, बैशाख १ ।
लमजुङको दूधपोखरी गाउँपालिका स्थित फुलङगिरीमा जीप पल्टिँदा एकजनाको मृत्यु भएको छ । आइतबार दिउँसो जीप दुर्घटना हुँदा दूधपोखरी ३ फुलङगिरिकी ३० वर्षकी माया गुरुङको मृत्यु भएको प्रहरीले जनाएको छ ।

बिचौरबाट गौडातर्फ छुटेको ग १ ज ६८९० नम्बरको जीप सडकबाट करीब ५० मिटर तल खसको थियो । जीपका चालकसहित सबै यात्रु घाइते भएको प्रहरीले जनाएको छ ।

गम्भीर घाइते ५ जनालाई थप उपचारका लागि चितवन मेडिकल कलेज भरतपुर पठाइएको छ भने केही घाइतेलाई उपचारका लागि बेसीशहरस्थित सामुदायिक अस्पतालमा लगिएको छ । अन्य घाइतेहरुको गौंडास्थित प्राथामिक स्वास्थ्य केन्द्रमा उपचार भइरहेको प्रहरीले जनाएको छ ।

File Photo