दोस्रो लेखनाथ जुनियर जेसिज फुट्सल कप आयोजकलाई

लेखनाथ, मंसिर २९ ।

लेखनाथ जुनियर जेसीजले अयोजना गरेको दोश्रो लेखनाथ जुनियर जेसिज फुट्सल कप सम्पन्न भएको छ ।

दोस्रो लेखनाथ जुनियर जेसीज फुट्सलमा विभिन्न आठ ओटा क्लवलाई पछि पार्दै आयोजक विजेता बन्न सफल भएको छ । फाईनल खेलमा रोट्रयाक्ट् क्लब अफ पोखरा लेकसाइडलाई ३–१ गेलले पराजित गर्दै आयोजक लेखनथ जुनियर जेसिज दोस्रो लेखनाथ जुिनयर जेसिजको उपाधि हात पार्न सफल भएको हो । विजेता जुनियर जेसिजले नगद रु १२ हजार, मेडल, ट्रफी र प्रमाण पत्र प्राप्त गरेको छ भने उपविजेता भएको रोट्रयाक्ट क्लब अफ पोखरा लेकसाइडले नगद रु ७ हजार, ट्रफी, मेडल र प्रमाण पत्र प्राप्त गरेको छ ।

सो अबसरमा बोल्दै गण्डकी प्रदेशका सांसद दिपक कोइरालाले मानिस स्वास्थ्य रहन खेलकुदको महत्वपूर्ण भुमिका रहने भन्दै लेखनाथ जुनियर जेसीजले विभिन्न सामाजिक कार्यका सँगसँगै खेलकुद क्षेत्रमा पनि अगाडि बढेकोमा खुशी व्यक्त गरेका थिए ।

लेखनाथ जेसिजका अध्यक्ष रोशन अधिकारी, एशियन लाइफ इन्सुरेन्सका प्रमुख बद्रिनाथ पौडेल लगाएतले शुभकामना मन्तव्य व्यक्त गरेको कार्यक्रम लेखनाथ जेसीजको सहयोग र काइक स्पोर्टस प्रालिको विशेष सहयोगमा भएको हो ।

लेखनाथ जुनियर जेसीजका अध्यक्ष सर्वेन्द्र न्यौपानेको अध्यक्षतामा शनिबार सम्पन्न ५ ए साइड फुटसल प्रतियोगितामा लेखनाथ जुनियर जेसीजका सदस्य सजिना पौडेलले स्वागत गरेकी थिईन् भने लेखनाथ जुनियर जेसीजका सदस्य प्रवात न्यौपानेले कार्यक्रम सन्चालन गरेको कार्यक्रम संयोजक जय ओझाले जानकारी दिएका छन् ।