३८ क्विन्टल सुन प्रकरणः गोल्यान १० लाख धरौटीमा रिहा, २८ जना प्रतिवादीलाई थुनामै राख्न आदेश

काठमाडौं, साउन १७ ।

३८ क्विन्टल सुन तस्करी र सनम शाक्य हत्या प्रकरणमा महावीर गोल्यान बाहेक अन्य प्रतिवादीहरुलाई रिहा गर्न सर्वोच्च अदालतले अस्वीकार गरेको छ ।

न्यायाधीश अनिल कुमार सिन्हा र सुष्मालता माथेमाको ईजलासले आज गोल्यानलाई १० लाख रुपैयाँ धरौटीमा छाड्न आदेश दिंदै अन्य प्रतिवादीहरुको हकमा मोरङ जिल्ला अदालत र विराटनगर उच्च अदालतले गरेको फैसला सदर गर्ने निर्णय गरेको छ ।

मोरङ जिल्ला अदालत र विराटनगर उच्च अदालते कुनै पनि आरोपीहरुलाई धरौटीमा रिहा गर्न अस्वीकार गरेपछि गोल्यानले गत मंसीर १४ गते सर्वोच्च अदालतमा रीट हालेका थिए ।

सर्वोच्चको आदेशबाट प्रतिवादीहरु डिएसपी सञ्जयबहादुर राउत, तुलाराम थारु, रामकुमार तिवारी, गोविन्दप्रसाद निरौला, राजन थापा, गोपालकुमार श्रेष्ठ, हेमन्त गौतम, सम्विरप्रसाद तोलाङ्गे, मदन सिलवाल, अमरमान डंगोल र बालकृष्ण सञ्जेलसहित २८ जना थुनामै रहने छन् ।(ईमेजखबरबाट साभार)