मिनीट्रक दुर्घटनामा चालकको मृत्यु, अन्य तीनजना घाइते

काठमाडौं, वैशाख १९ ।

सिन्धुपाल्चोकको ईन्द्रवती गाँउपालिकामा गएराति मिनीट्रक दुर्घटना हुँदा चालकको मृत्यु भएको छ । प्रहरीका अनुसार सो गाउँपालिकाको वडा नम्बर १०, सिस्ने खोलामा गएराति साढे ९ बजे बा४ख ६२३५ नम्बरको मिनीट्रक दुर्घटना भएको हो । दुर्घटनामा चालक सिन्धुपाल्चोक बाह्रबिसेका २५ वर्षीय विकाश तामाङको मृत्यु भएको छ भने अन्य तीन जना गम्भिर घाइते भएका छन् । मिनीट्रकमा सवार सिन्धुपाल्चोक ईन्द्रवती गाउँपालिका–१० का २५ वर्षीय सुमन तमाङ, २८ वर्षीया प्रमिला तामाङ र २० वर्षीया मनिता तामाङ घाइते भएका छन् । घाइतेहरुको धुलिखेल अस्पतालमा उपचार भइरहेको प्रहरीले जनाएको छ ।