बलात्कार आरोपमा प्रहरी नै पक्राउ

इटहरी, बैशाख २२ ।
इटहरीमा ३० वर्षीया मजदुर महिलालाई जबरजस्ती करणी गरेको आरोपमा सुनसरी सोनापुरको सशस्त्र प्रहरी युनिटमा कार्यरत एक जना जवान पक्राउ परेका छन् ।

शनिबार सुनसरीकै बर्जु गाउँपालिका वडा नम्बर ५ घर भएका ३५ वर्षीय सहिंसा चौधरी जबरजस्ती करणी गरेको आरोपमा पक्राउ परेका हुन् ।

उनीविरुद्ध जबरजस्ती करणी गरेको किटानी जाहेरी इलाका प्रहरी कार्यालय इटहरीमा परेपछि जिल्ला अदालतको अनुमति लिएर पक्राउ गरिएको इटहरीका प्रहरी निरीक्षक बुद्धि चौलागाईंले जनाए । उनका अनुसार पक्राउ परेका चौधरीको अनुसन्धान थालिएको छ ।