प्रचण्डलाई ओलीको जवाफ–‘केही कुरा गोप्य छैन, मेरो कार्यकाल ४/५ दिन बाँकी छ’

काठमाण्डौं, जेठ १८ ।
प्राय व्यंग्य बिनोदी भावमा प्रस्तुत हुने प्रधानमन्त्री केपी शर्मा ओली यस पटकको यात्रामा खिन्नझैं देखिन्थे । भारतीय समकक्षी नरेन्द्र मोदीको सपथग्रहण समारोहमा भाग लिन दिल्ली ओर्लिएदेखिका २४ घण्टा उनी बढी सोचमग्न देखिए ।

शुक्रबार बिहान बाह्रखम्बास्थित नेपाली दूतावासमा केहीबेर नेपाली संवाददाताहरुसँग कुरा गर्दा पनि उनी गम्भीर थिए । तपाईँको पार्टीमा अर्का अध्यक्ष प्रचण्डले भर्खरै अन्तर्वार्तामा भनेअनुसार त तपाईँको कार्यकाल एक वर्षमात्र बाँकी छ नि भनेर सोधिएको थियो ।

‘मेरो कार्यकाल एक वर्ष हैन, ४–५ दिन मात्र बाँकी छ’ उनले व्यंग्यमिश्रित शब्दमा भने । आलोपालो सरकार चलाउने सहमति पूरानै भएको उल्लेख गर्दैै उनले यो कुनै गोप्य दस्ताबेज नभएको उल्लेख गरे ।

प्रचण्डले एक अन्तर्वार्तामा पार्टी एकीकरणको क्रममा आलोपालो सरकार चलाउने सहमति भएको भन्दै दायाँबायाँ गरिए कोही नटिक्ने बताएका थिए । कान्तिपुर दैनिकमा खबर छापिएको छ ।

File Photo