पोखरामा भेटियो रियल जुसमा लेदो

पोखरा, असार १८ ।
पोखरामा रियल जुस भित्र लेदो भेटिएको छ । पृथ्वी चोकमा रहेको बाबा जुसमा विनोद खड्काले जुस पिउदा जुसमा लेदो फेला पारेका हुन् । ‘मैले जुस पिउदा स्ट्रबाट कालो पदार्थ मुखमा आयो खोलेर हेर्दा भित्र लेदो देखियो’ खड्काले भने ।

एक लिटरको रियल जुसमा कालो देखिने लेदो भेटिएको हो । आफुलाइ निकै गर्मी भएपछी जुस मगाएको र खादा रियल जुसबाट निकै गन्ध आएको बताए । ‘हामिले मिति हेरेर दिएका थियौ, तर जुस अखाद्य रहेछ,’ बाबा जुसका संचालक सन्तोष जसवालेले बताए ।

जसवालका अनुसार पोखराका डिलरलाइ खबर गर्दा जुसको बट्टामा प्वाल परेको भन्दै फर्किएका छन् । आम जनताको स्वास्थ माथी खेलवाड गर्ने कम्पनीलाई कर्वाही गर्नुपर्ने उनीहरुको भनाइ छ ।

अत्याधिक गर्मीको कारण पोखरामा पछिल्लो समय जुसको व्यापार बढ्दो छ । स्वास्थ्यको लागि समेत निकै फाइदाजनक मानिने जुसमा पटक पटक अखाद्य बस्तु भेटिदा समेत कर्वाही हुन सकेको छैन ।