ट्रकको ढोकाबाट खसेर सहचालकको मृत्यु

अछाम, जेठ १ ।
अछाममा ट्रकको ढोकाबाट खस्दा एक जनाको मृत्यु भएको छ । मुत्यु हुनेमा ट्रकको सहचालक अर्घाखाची घर भएका २० वर्षीय ओमबहादुर बैदाली रहेका छन् ।

अछामबाट सुर्खेततर्फ जाँदै गरेको ना ५ ख ११४४ नम्बरको ट्रकको ढोकाबाट खसेर बैदालीको मृत्यु भएको प्रहरीले जनाएको छ । पञ्चदेवल विनायक नगरपालिकाको सीमा बेलखेतमा रहेको प्रहरी पोष्टमा बुधबार इन्ट्री गर्ने भनेर ढोकाबाट ओर्लने क्रममा खसेर उनी गम्भीर घाइते भएका थिए ।

उपचारका लागि दैलेखको राकममा लैजाँदै गर्दा बाटोमै ज्यान गएको बेलखेत प्रहरी पोष्टका हवलदार रमेश नाथले जानकारी दिए । ट्रक र चालक प्रहरीको नियन्त्रणमा रहेको प्रहरीले जनाएको छ ।