चर्चित गीत ‘सुन साईंली’ का रेकर्डिस्ट उज्वलले गरे आफ्नै बुहारीको हत्या ! (कारण के थियो ?)

ललितपुर, बैशाख २८ ।
आफ्नै भाइ बुहारीको हत्या गरेको आरोपमा चर्चित रेकर्डिस्ट उज्वल महत पक्राउ परेका छन् । २५ वर्षीया अञ्जना महतको हत्या गरेको आरोपमा उनी पक्राउ परेका हुन् । उनले खुकुरी प्रहार गरी बुहारीको हत्या गरेको खुलेको छ ।

केहि दिनभित्रै विदेश जाने तयारीमा रहेकी अञ्जनाको उनी आफैले हत्यापछि ‘आमा मैले बुहारीलाई काटें प्रहरीलाई बोलाउनुस्’ भनेको र त्यसपछि प्रहरी पुगेको बताइएको छ । महानगरीय प्रहरी वृत्त चापागाउँका डिएसपी राजकुमार खिउजुलेका अनुसार हत्या के कारणले भएको हो भन्ने विषयमा अनुसन्धान भइरहेको छ ।

बहुचर्चित गीत ‘सुन साइली’ लगायत केही अन्य गीतमा संगीत भरेको उनी मानसिक समस्याबाट ग्रसित रहेको प्रारम्भिक अनुसन्धानबाट खुलुेको प्रहरीको भनाइ छ । स्थानीयले समेत भद्र मानिसका रुपमा लिने महत परिवारमा समेत असल व्यक्त्तित्व रहेको बताइएको छ ।

उज्वलले धारिलो हतियार खुकुरी प्रहार गर्दा अञ्जना लामाको घटनास्थलमै मृत्यु भएको प्रहरीले जनाएको छ । यस सम्बन्धमा प्रहरीले आवश्यक अनुसन्धान गरिरहेको छ । घटनाको कारण भने अहिलेसम्म खुलेको छैन ।