काँग्रेस भन्छ–पिएनमा प्रहरीले ज्यादती गर्यो

पोखरा, जेठ ३० ।
नेपाली काँग्रेस कास्कीले नेविसंघ का विद्यार्थीमाथि भएको प्रहरी दमनप्रति गम्भिर ध्यानाकर्षण भएको जनाएको छ । कास्की काँग्रेसका सचिव सुदिपमोहन भट्टराईद्वारा हस्ताक्षरित विज्ञप्तिमा विद्यार्थीको शान्तिपूर्ण प्रदर्शनमा भएको प्रहरी दमनको निन्दा गरिएकोे छ ।

विज्ञप्तिमा शान्तिपूर्ण रुपमा प्रदर्शन गर्न पाउँने संवैधानिक अधिकारको समेत बेवास्ता गरी सरकारको निर्देशनमा भएको घटनाले सरकार सर्वसत्तावादतर्फ उन्मुख भएको उल्लेख छ । विज्ञप्तिमा प्रहरी दमनमा परी घाइते भएका विद्यार्थीको शिघ्र स्वास्थ्यलाभको कामना गर्दै आउदा दिनमा यस्ता घटना नदोहो¥याउन चेतावनी समेत दिइएको छ ।

पेट्रोलियम पदार्थ सहित दैनिक उपभोग्य सामग्रीमा भएको मूल्य बृद्वि विरुद्व नेपाल विद्यार्थी संघ कास्कीले मंगलबार बगरमा गरेको मसाल जुलुस प्रदर्शनमा प्रहरीले हस्तक्षेप गरेको थियो ।

यसैबीच, नेपाल विद्यार्थी संघले पनि प्रहरीको हस्तक्षप निन्दनीय भएको जनाएको छ । नेविसंघ केन्द्रिय सदस्य भानु ढकालले विज्ञप्ती जारी गरी घटनाप्रति ध्यानाकर्षण भएको जनाएका हुन् । सरकारले गरेका गलत काममा खवरदारी गर्दा उल्टै प्रहरी लगाएर कुटपिट गर्नु गलत भएको भन्दै उनले आगामी दिनमा यस्ता घटना दोहोरिन नदिन प्रशासनलाई सचेत गराएका छन् ।