रक्सीको मातमा गाडी चलाएर भारतीयले पोखरामा एकैपटक ३ मोटरसाइकललाई ठक्कर दियो

पोखरा, असार १२ ।
पोखराको हल्लनचोकमा (लेकसाइड) भारतीय नम्बर प्लेटको गाडीले मोटरसाइकललाई ठक्कर दिँदा तीन जना घाइते भएका छन् । बुधबार एच आर (HR 09 L 0009) नम्बर प्लेटको भारतीय गाडीले एकै चोटी तीनओटा मोटरसाइकललाई ठक्कर दिँदा तीन जना घाइते भएका छन् ।

दुर्घटनामा परी घाइते तीन जना मध्य पोखरा महानगरपालिका वडा नम्बर १८ का पदमबहादुर गुरुङ, पोखरा २४ का ईश्वर नेपाली, पोखरा २७ का मुलुल ढकाल रहेका छन् । घाइते मधय गुरुङको टाउकोमा गम्भिर चोट लागेको तीनै जनालाई उपचारका लागि मेट्रो सिटी अस्पतालमा लगिएको प्रहरीले जनाएको छ ।

प्रहरीका अनुसार भारतीय सवारी चलाउने अजय बराल र गाडीलाई नियन्त्रणमा लिई घटना बारे थप अनुसन्धान भईरहेको छ । चालकले रक्सीको मातमा गाडी चलाएको प्रारम्भीक अनुसन्धानबाट खुलेको छ ।