ट्रक पल्टिँदा २ जनाको मृत्यु, एक घाईते

नवलपुर, भदौ ३० ।
बर्दघाट सुस्ता पश्चिमको रामग्राम नगरपालिका–३ रामखण्ड पुल नजिकै गएराति ट्रक दुर्घटना हुँदा दुई जनाको मृत्यु भएको छ भने एक जना घाइते भएका छन् । मृत्यु हुनेमा ट्रक चालक मकवानपुर हेटौंडाका २७ वर्षीय कुमार प्रजा र सवारी धनी १९ वर्षीय आशिष पौडेल छन् ।

प्रहरीले उद्धार गरी दुवैलाई उपचारको लागि अस्पताल लैजाँदै गर्दा बाटोमै मृत्यु भएको हो । ट्रक दुर्घटनामा घाइते भएका सहचालक १६ वर्षीय दीपेश कटुवालको पृथ्वीचन्द्र अस्पताल परासीमा उपचार भइरहेको छ । राति पौने ९ बजे भैरहवाबाट काठमाडौंतर्फ जाँदै गरेको ना ५ ख ७८९७ नम्बरको ट्रक सडकबाट अन्दाजी १५ फिट तल खसेको जिल्ला प्रहरी कार्यालय नवलपरासीले जनाएको छ ।