सेल्फी खिच्दा फेवातालमा बेपत्ता रोशन अझै भेटिएनन

पोखरा, मंसिर २५ ।
सेल्फी खिच्ने क्रममा पोखराको फेवातालमा खसेर सोमबार काठमाण्डौंका रोशन श्रेष्ठ बेपत्ता भए । उनको नेपाल प्रहरीको गोताखोर टोलिले दिनभरी खोजी गर्यो । ठूलो संख्यामा प्रहरी परिचालन गरेर खोजी गरेपनि नभेटिएको बैदामका प्रमुख डिएसपी नवीन कार्कीले जानकारी दिए ।

उनका अनुसार आज पनि विहानैदेखि खोजी कार्य सुरु भएको छ । पोखरा घुम्न आएका श्रेष्ठ डुंगा सयर गर्दै तालको बीचमा पुगेर सेल्फी खिच्न लाग्दा खसेर बेपत्ता भएका हुन् ।

दिदी रोशनीसँग उनी आइतबार पोखरा आएका थिए । सेल्फी खिच्नकै लागि उनले लाइफ ज्याकेट समेत फुकालेका थिए । लाइफ ज्याकेट फुकालेकोले खोजीमा झनै समस्या भएको प्रहरीले जनाएको छ । लाईफ ज्याकेटले मान्छेलाई पानीबाट उतारिदिन्छ ।

फेवातालमा डुवेका मान्छेहरु लामो समयसम्म तालभित्रै बेपत्ता भएका तथ्यांक छन् । केही ब्यक्तिहरु हप्तादिनपछि मात्रै उत्रिएका घटना पनि छन् ।