पोखरामा गहना चोर्दै गर्दा युवाले समाते चोर

पोखरा, भदौ २१ ।
पोखरा महानगरपालिका २७ रिठेपानीमा चोरी गर्दै गरेका एकजनालाई स्थानीयले पक्राउ गरेका छन् । स्थानीय ढकमान गुरुङको घरको छतबाट पसेर दुईवटा ढोका फोरेपछि गरगहना चोर्दै गरेका एकजनालाई युवाहरुले पक्राउ गरेका हुन् ।

चोर समात्न खोज्दा केहीबेर झडप समेत भएको थियो । बाग्लुङ घर बताउने ति ब्यक्तिलाई डाडाको नाक प्रहरी चौकीमा राखिएको छ । चोरकै सूचनाले थप अर्का चोर पनि पक्राउ परेका छन् ।

योजनाकार समेत प्रहरी नियन्त्रणमा रहेको र प्रहरी नियन्त्रमा रहेका उनीहरुको वयानका आधारमा थप अनुसन्धान अगाडि वढाईएको इलाका प्रहरी कार्यालय डाडाकोनाकका ईन्चार्ज डिएसपी विष्णुबर सिंह थापाले बताएका छन् ।