ट्यांकरको ठक्करबाट २ जनाको मृत्यु

नवलपुर, माघ २९ ।
पूर्वी नवलपरासीको डन्डामा ट्यांकरको ठक्करबाट दुई जनाको मृत्यु भएको छ । पूर्वपश्चिम राजमार्ग अन्तर्गत कावासोती नगरपालिका १६ डण्डामा बा ३ ख ९१५८ नम्बरको दूध बोक्ने ट्ंयाकरले बा २८ प २०३१ नम्बरको मोटरसाइकललाई ठक्कर दिँदा मोटरसाइकलमा सवार दुई जनाको मृत्यु भएको हो ।

मृत्यु हुनेमा मोटरसाइकल चालक मध्यविन्दु नगरपालिका–२ बस्ने करिब ४० वर्षीय युवराज घिमिरे र मोटरसाइकलमा सवार सोही ठाउँका अन्दाजी ३६ वर्षीय पिताम्बर पाठक छन् । उनीहरुलाई गएराति १० बजेतिर ट्यांकरले ठक्कर दिएको थियो ।

गम्भीर घाइते भएका उनीहरुको उपचारका क्रममा मध्यविन्दु सामुदायिक अस्पताल डण्डामा राति नै मृत्यु भएको जिल्ला प्रहरी कार्यालय नवलपुरका प्रहरी नायव उपरीक्षक लिलाराज लामिछानेले जानकारी दिए । ठक्कर दिने ट्यांकर र चालकलाई जिल्ला प्रहरी कार्यालय नवलपुरले नियन्त्रणमा लिएको छ ।