नगरबस दुर्घटना हुँदा तीन जना गम्भीर घाइते, चालक फरार

काठमाण्डौं, चैत १२ ।
काठमाण्डौंमा नगरबस दुर्घटना हुँदा तीनजना गम्भीर घाइते भएका छन् । दक्षिणकालीबाट रत्नपार्कतर्फ आउँदै गरेको बस मंगलबार दुर्घटनामा परेको हो । दुर्घटनामा परी घाइते भएका २४ मध्ये ३ को अवस्था गम्भीर रहेको छ ।

ना ३ ख १४४४ नम्बरको यात्रुवाहक बस चाल्नाखेल नजिकै दुर्घटना भएको प्रहरी कार्यालय, फर्पिङका प्रहरी निरीक्षक राजाराम खड्काले बताए । उनका अनुसार घाइतेहरूलाई मनमोहन र वयोधा अस्पतालमा उपचारको लागि पठाइएको छ ।

१ जना घाइतेलाई भने मनमोहन अस्पतालले ट्रमा सेन्टरमा रिफर गरेको गरिएको छ । दुर्घटनाको कारण नखुलेको र चालक फरार रहेको प्रहरी निरीक्षक खड्काले बताए । उनले भने, ‘दुर्घटनाको विषयमा थप अनुसन्धान भइरहेको छ ।