बीच बाटोमै यसरी पल्टियो स्कोरपियो

काठमाण्डौं, मंसिर २९ ।
पुल्चोकमा स्कोरपियो गाडी बीच सडकमै पल्टिएको छ । शनिबार अपरान्ह करिब ३ बजेतिर बा १६ च ७९७७ नम्बरको स्कोरपियो अनियन्त्रित भई पुल्चोकको बीच बाटोमै पल्टिएको हो ।कुपण्डोलबाट जावलाखेलतर्फ आउने क्रममा सो दुर्घटना भएको महानगरीय ट्राफिक प्रहरी वृत जावलाखेलले जानकारी दिएको छ । गाडीमा सवार दुई जनाको सकुशल नै उद्धार गरिएको प्रहरीले बताएको छ ।

प्रहरीका अनुसार गाडीमा सवार दैलेख घर भएका ५३ वर्षीय कृष्णबहादुर बडुवाल र उनका छोराको सकुशल उद्धार गरिएको हो । गाडीको क्षति भएपनि मानवीय क्षति भने नभएको प्रहरीले बताएको छ ।