पोखरामा प्याराग्लाईडिङ खस्यो, एकजनाको मृत्यु

पोखरा, फागुन १९ ।
पोखरा प्याराग्लाईडिङ दुर्घटना हुँदा एकजनाको मृत्यु भएको छ । सराङकोटबाट उडेको प्याराग्लाडिङ फेवातालमा खसेर दुर्घटना भएको हो । विहान ११ बजेतिर उडान भरेको प्याराग्लाईडिङ ल्याण्ड गर्ने क्रममा हावाको सन्तुलन मिलाउन नसकेर सीधै तालमा खसेको प्रहरीले जनाएको छ ।

दुर्घटनामा परि रोमानियाकी अन्दाजी ४२ बर्षिया EDE-CSIS JDR रहेको बैदाम प्रहरी प्रमुख डिएसपी कोमल शाहले जानकारी दिए ।

तालमा खसेको प्याराग्लाडिङको र मान्छेको बाराही घाटमा अवस्थित मोटरबोट सहितको टोलीले उद्धार गरेको हो । दुर्घटनामा गम्भीर घाईते भएका उनलाई मेट्रोसिटी अस्पताल लगिएकोमा डाक्टरले मृत घोषणा गरेका हुन् ।