केटीको बिषयमा विवाद हुँदा पोखरामा एकजनाको हत्या, हत्यारा पक्राउ

पोखरा, माघ २९ ।
केटीको बिषयलाई लिएर पोखराको लेकसाइडमा सोमबार राती १४ बर्षीय बालकको घाँटी रेटि हत्या भएको छ । पाल्पा घर भई पोखरा बस्दै आएका सचिन सिञ्जालीको हत्या भएको प्रहरीले जनाएको छ । प्रहरिले हत्यामा प्रयोग गरेको चक्कु समेत बरामद गरेर हत्यारा पक्राउ गरिसकेको छ ।

श्रोतका अनुसार बेनी काले भन्ने एक पुरुषलाई हत्या आरोपमा पक्राउ गरेको छ । प्रहरीले केहीबेरमा पत्रकार सम्मेलन गरि हत्यारा सार्वजनिक गर्ने बताएको छ । सिञ्जालीको शव हल्लनचोक स्थित निर्माणाधीन एक भवनमा भेटिएको थियो ।

निर्माणाधीन भवनको भुइँ तलामा सडक बालबालिकाहरु सुत्ने गरेको पाइएको छ । सिञ्जालीका बाबु गोबिन्द सिन्जालीले लेकसाइडकै शान्ति पाटनमा फ्रेसहाउस संचालन गर्दै आएका छन् भने आमा स्पा तथा ब्युटीपार्लर ब्यवसाय गर्छिन् । मृतक सिञ्जाली हजुरआमासँग बस्दै आएका थिए ।