पोखराबाट मोटरसाईकल र स्कुटर चोर पक्राउ

पोखरा, चैत १८ ।
पोखराबाट मोटरसाईकल र स्कुटर चोरी गर्ने एकजनालाई कास्की प्रहरीले पक्राउ गरेको छ । विभिन्न ठाउँबाट मोटरसाईकल र स्कुटर चोरी भएको उजुरी परेपछि खोजी गर्ने क्रममा प्रहरीले मुस्ताङका २६ बर्षिय गणेश गौचनलाई पक्राउ गरेको हो ।

उनको साथबाट एक थान मोटरसाईकल र दुई थान स्कुटर बरामद भएको छ । ग १ प ७५०० नम्बरको पल्सर मोटरसाईकल, ग १२ प ३१४३ र ग १३ प ७६७३ नम्बरको स्कुटर बरामद गरिएको कास्की प्रहरी प्रबक्ता डिएसपी रवीन्द्रमान गुरुङले जानकारी दिए ।

गौचनलाई चोरी मुद्धामा म्याद थप गरी आवश्यक अनुसन्धान सुरु गरिएको प्रहरीले जनाएको छ ।