तनहुँमा बस र ट्रक ठोकियो–१६ जना घाईते, गोरखाका २ सहित ४ जना गम्भीर

तनहूँ, चैत २३ ।
तनहुँको नारिघाटमा बस र ट्रक ठोक्किँदा ट्रक चालक सहित १६ जना घाईते भएका छन् । ना ५ ख ८१७६ नम्बरको बस र ना ६ ख ६१६३ नम्बरको ट्रक आपसमा ठोकिएका हुन् । दुर्घटनामा घाइतेमध्ये ४ जनाको अवस्था गम्भीर छ ।

गम्भीर घाइतेलाई चितवनको भरतपुर स्थित चितवन मेडिकल कलेजमा पठाईएको छ । अन्य ८ जनाको पनि सोही अस्पतालमा उपचार भैरहेको छ भने एकजनालाई पोखरा ल्याईएको छ ।

दुर्घटनामा परि गम्भीर घाइते हुनेहरुमा गोरखा नगरपालिका १३ की रोजिना नेपाली, सोही ठाउँका वर्ष १७ का मनोज नेपाली, तनहूँ स्थित भानु नगरपालिका १ की वर्ष २५ की अप्सरा खवास र उनका ४ वर्षीय छोरा आयुष खवास छन् । बस, ट्रक र बस चालक प्रहरी नियन्त्रणमा छन् ।