कारले मोटरसाइकललाई ठक्कर दिँदा एक जनाको मृत्यु, एक घाइते

भक्तपुर, चैत २५ ।
भक्तपुरमा कारले मोटरसाइकललाई ठक्कर दिँदा मोटरसाइकल चालकको मृत्यु भएको छ भने एक जना घाइते भएका छन् । भक्तपुरको सुर्य्बिनायक नगरपालिका–१० भातेंढिकुरमा जगातीबाट जाँदै गरेको बा४९प ५४२७ नं. को माटरसाइकललाई बिपरित दिशाबाट आउँदै गरेको बा १९ प ५०८९ नं.को कारले ठक्कर दिएको हो ।

दुर्घटनामा मोटरसाइकल चालक काभ्रे बेथानचोक गाउँपालिका–६ का ३४ वर्षीय दिपेन्द्र लामाको मृत्यु भएको छ भने पछाडी सवार पछाडी सवार काठमाडौं का ३९ वर्षीय पञ्च खड्गी घाइते भइ मध्यपुर अस्पतालमा उपचार भईरहेको छ ।

गम्भीर घाइते लामालाई उपचारका लागि मध्यपुर अस्पताल ठिमी लगेकोमा उपचारकै क्रममा चिकित्सकले मृत घोषणा गरेका थिए । दुबै सवारी साधन र कार चालक भक्तपुरको सुर्य्बिनायक नगरपालिका–२ बालकोट बस्ने ३४ वर्षीय राजकुमार गौतमलाई महानगरीय प्रहरी वृत्त जगाती भक्तपुरमा राखी अनुसन्धान कार्य भईरहेको प्रहरीले जनाएको छ ।

File Photo