पोखराबाट सुन र पैसा चोर्ने २ जना पक्राउ

पोखरा, असोज १४ ।
कास्कीको मादी गाउँपालिका ६ तप्राङकी एक महिलाको सुन र नगद चोरी गर्नेहरु पक्राउ परेका छन् । पोखरा १२ अस्पतालचोकबाट ५७ बर्षिय चित्र कुमारी गुरुङलाई ललाई फकाई साढे ३ तोला सुन र नगद १२ हजार चोरेर भागेको चोरलाई प्रहरीले पक्राउ गरेको हो ।

उनीहरुले सुनजस्तो पहेंलो बस्तु देखाएर बृद्धाको सम्पत्ति लुटेका प्रहरीले जनाएको छ । सुन जस्तो पहेँलो बस्तु देखाएर बृद्धाको सम्पत्ति लुटेका प्रहरीले जानकारी दिएको छ । १ तोलाको सुनको मुगा, साढे १ तोलाको दुईवटा रिङ, १ तोलाको एउटा औंठी र नगद १२ हजार चोरी भएको हो ।

घटना भएलगत्तै प्रहरीले छानवीन गरी धनुषा घर भएका २५ बर्षिय नेत्रबहादुर श्रेष्ठ र बाराका ३५ बर्षिय जीतबहादुर कार्कीलाई पक्राउ गरेको हो । उनीहरुको साथबाट सुनजस्तो देखिने २ थान लाप्सा, ३ थान औंठी र नगद १० हजार ८ सय १५ रुपैयाँ बरामद गरेको छ ।