जीप र मोटरसाइकल ठोकिँदा ५ घाइते

गुल्मी, बैशाख ११ ।
गुल्मीमा जीप र मोटरसाइकल एक आपसमा ठोक्किदा ५ जना घाइते भएका छन् । छत्रकोट गाउँपालिका(४ अन्र्तगत श्रृङ्गामा लु२च १७ नम्बरको पिकअप जीप र लु१२प २९७६ नम्बरको मोटरसाइकल एक आपसका ठोक्दिा मोटरसाइकल र जीप चालकसहित ५ जना घाइते बनेको जिल्ला प्रहरी कार्यालय गुल्मीले जनाएको छ ।

गुल्मीदरवार गाउँपालिको गांैडाकोटवाट रुरु गाउँपालिका अन्र्तगत बलेटक्सारमा डिजल लिनका लागि जाँदै गरेको जीप र पिपल नेटावाट लुम्छातर्फ आउँदै गरेको मोटरसाइकल एक आपसमा ठोक्दिा दुर्घटना भएको प्रहरीले जानकारी दिएको छ ।

दुर्घटनामा परी मोटरसाइकल चालक छत्रकोट गाउँपालिका–४ निवासी शालिकराम पन्त, मुसिकोट नगरपालिका(४ का ताराबहादुर रासकोटी, रेसुंगा नगरपालिका २ का गोपाल पोख्रेल, मालिका गाउँपालिका(६ का वसन्त पराजुली र मालरानी गाउँपालिका–४ अर्घाखाँचीका दिलिप केसी घाइते भएको प्रहरीले जनाएको छ ।

घाइतहरुको अहिले स्थानीय श्रृङ्गा स्वास्थ्य केन्द्रमा उपचार भइरहेको छ । विपरीत दिशाबाट तीब्र गतिमा आइरहेको मोटरसाइकललाई बचाउने क्रममा उक्त दुर्घटना हुन गएको जीप चालक ताराबहादुर रासकोटीले प्रहरीसमक्ष बताएका छन् । दुर्घटना भएको उक्त जीप सडकवाट दुई सय मिटर भन्दा तल खसेको श्रृङ्गा प्रहरी चौकीले जनाएको छ ।