कास्कीमा ट्याक्टर पल्टिँदा १ जनाको मृत्यु, प्याराग्लाईडिङ खस्दा विदेशी घाईते

पोखरा, मंसिर ४ ।
कास्कीमा ट्याक्टर पल्टिँदा एकजनाको मृत्यु भएको छ । माछापुच्छ«े गाउँपालिका ३ मर्दिखोलामा ग १ त ३४७३ नंम्बरको ट्याक्टर खोलामा खस्दा ट्याक्टर चालकको मृत्यु भएको हो । मृत्यु हुनेमा पर्सा घर भई कास्कीको घाचोक बस्दै आएका नरेन्द्र सिंह बस्नेत छन् ।

यसैबीच, पोखराको सराङकोटमा भएको प्याराग्लाईडिङ दुर्घटनामा एक विदेशी घाईते भएका छन् । तोरीपानी स्थित ब्लु स्काई कम्पनीको प्याराग्लाईडिङ दुर्घटना हुँदा स्लो पाईलट बेलायती नागरिक माथ्यु फिडेस घाईते भएका हुन् । वहाँको मनिपाल शिक्षण अस्पतालमा उपचार भैरहेको प्रहरीले जनाएको छ ।